Казахстанд гарсан олныг хамарсан эсэргүүцлийн үеэр “Майдан”-ы технологийг ашигласан гэжээ. ОХУ-ын Ерөнхийлөгч Владимир Путин Хамтын аюулгүй байдлын гэрээний байгууллагын Хамтын аюулгүйн зөвлөлийн ээлжит бус хуралдаанд үг хэлэх үеэрээ ийнхүү мэдэгджээ.
“Казахстаны төрт ёсонд заналхийлсэн энэ үзэгдэл нь шатахууны үнийн эсрэг аяндаа гарсан эсэргүүцлийн үйлдлээс байгаагүй, харин дотоод, гадаад хүчин нөхцөл байдлыг далимдуулан ашигласнаас үүдэн бий болсон гэж бид ойлгож байна” гэж Оросын удирдагч хэлсэн байна. Мөн “Хийн зах зээлийн нөхцөл байдлын төлөөх хүмүүс бол нэг зорилготой хүмүүс, харин зэвсэг бариад төр рүү дайрсан хүмүүс бол өөр зорилготой огт өөр хүмүүс” гэж Путин онцолжээ.
ОХУ-ын төрийн тэргүүн Казахстанд “Майдан”-д илэрч байсан шиг үймээн самууныг мэдээллээр дэмжих технологийг ашигласан. “Майдан дахь эсэргүүцлийн жагсаалыг мэдээллийн хүчээр дэмжих элементүүдийг идэвхтэй ашиглаж, сайн зохион байгуулалттай, сайн хяналттай зэвсэгт босогчдын бүлгийг ашигласан, Казахстаны ерөнхийлөгчийн хэлснээр хилийн чанад дахь террористуудын хуаранд бэлтгэгдсэн бололтой” гэж Путин мэдэгджээ. Тэрээр Казахстаны нөхцөл байдлыг ноцтой бөгөөд сэтгэл түгшээм гэж нэрлээд, энэ нь ХАБГБ-ын бүх гишүүн орнуудад хамаатай гэдгийг тэмдэглэсэн байна.
Түүнчлэн Казахстаны Ерөнхийлөгч Касым-Жомарт Токаев үймээний үеэр бүгд найрамдах улс түрэмгийлэлд өртсөн гэж дүгнэсэнтэй ОХУ-ын төрийн тэргүүн бүрэн санал нийлж байгаагаа мэдэгджээ.
Эх сурвалж: tsn.ua/ru
.jpg)
